HAQQIMIZDA

Şirkətimiz 400 hektara yaxın təzə meyvə bağlarına sahibdir. Strateji hədəfimiz 1000 hektar intensiv meyvə bağlarıdır və hər il 200 hektar bağın salınmasını planlaşdırırıq. Bağların inkişafı üzrə texniki və məsləhət xidmətlərini məşhur Fransa şirkəti “Eco Fruit Conseil” təmin edir.​

Biz meyvə yetişdirilməsindən emala, qablaşdırmadan  çatdırılmayadək bütün xidmətləri həyata keçiririk. Meyvələrimizi əsasən ixrac edir, bir hissəsini də daxili bazarda satırıq.

Şirkətimizin Qusar rayonunda yerləşən Şimal Mərkəzi aşağıdakı strukturları özündə birləşdirir:​

• 10000 tonluq atmosfer nəzarət sistemli soyuducu anbar kompleksi
• 5000 tonluq soyuducu anbarın tikintisi
• Tam avtomatlaşdırılmış çeşidləmə və kalibrləmə xətləri
• Rahat və müasir qonaq evi​

Meyvələrimiz Avropanın aparıcı avadanlıq istehsalçılarının yüksək texnoloji həlləri vasitəsilə çeşidlənir, qurudulur, kalibrlənir və qablaşdırılır.

​Yaş meyvələr -2/+ 5 hərarətli, atmosfer nəzarətli soyuducu kameralarda 90-95%-lik nisbi rütubətdə saxlanılır və satışdan öncə şanəli kağız qutulara qablaşdırılaraq müştəriyə təhvil verilir.

Nəqliyyat (quru, hava, dəniz, dəmir yolu) və çatdırılma (incoterms) şərtləri müştərinin tələbi ilə razılaşdırıla bilər.